من جذي نشوف اليهال دايما مستانسين.
مرة خذيت عشرين دينار وعطيتهم حق ياهل عمره سنتين، بغيت اشوفه شيسوي فيهم. الياهل تنّح قعد يخزني شوي وشوي يخز العشرينه، بعد شوي قام يحرّكها مستانس على صوت الورقة بالهوا. ما طوّل دقيقتين ولا يقطها عالأرض ويروح يلعب بالمطارح في الصالة.
قيمة الفلوس بروسنا، احنا زرعناها بنظام مالي وسياسي بس بالأساس الفلوس اخرتها مو أكثر من اوراق كشخه ملوّنه. اليهال متجردين من هالأفكار ومن النظم والعادات والهموم والمشاوير والمجاملات.. الخ من جذي اليهال مستانسين على طول، ومن جذي اليهال حلوين وكلهم براءه ونحب نطالعهم ونلعب وياهم، كلنا ندري داخلهم صافي ماكو شي 
بس يكبرون ويدشون معانه بالموجه خلاص يصيرون مليقين مثل الكل 
واللي يسأل عن العشرين طبعاً خذيتها وحطيتها بجيبي بعد الانتهاء من التجربة 
No comments:
Post a Comment